პროკურატიურა სამარ ჩოკუტაევის მიერ სოციალური ქსელების გაუქმებას ეხმაურება. პროკურატურაში აღნიშნავენ, რომ ჩოკუტაევმა შესაძლოა გვერდები მისი ადგილმდებარეობის დადგენის შესაძლებლობის აღმოფხვრისთვის გააუქმა: „სამარ ჩოკუტაევმა შესაძლოა მისი გვერდი სოციალურ ქსელში იმ მიზნით გააუქმა, რომ არ მოხდეს მისი შემდგომი ადგილმდებარეობის დადგენა და მისი გადაადგილების იდენფიცირება. ეს შესაძლოა განპირობებულია მისი მიმალვის მიზნით. თუმცა, მას შემდეგ, რაც მის მიმართ გამოცხადდება წითელი ცირკულარით მისი საერთაშორისო ძებნა, ნებისმიერ ქვეყანაში, სადაც იგი მოხვდება, როდესაც ადგილობრივი სამართალდამცავები მის ადგილმდებარეობას დაადგენენ, მას დააკავებენ“, - აცხადებენ პროკურატურაში.

შეგახსნებთ, რომ გუშინ გავრცელებული ინფორმაციის თანახმად, სამარ ჩოკუტაევს ბრალი ედება თალიბანის სახელით გავრცელებული ვიდეოკლიპების შექმნაში. ჩოკუტაევს პატიმრობა დაუსწრებლად წარედგინა. შსს-ს მიერ გავცრელებული ინფორმაციის თანახმად, ჩოკუტაევი საქართველოსთვის არაკონტროლირებად ტერიტორიაზე, აფხაზეთში იმყოფება.