"საქართველო კატასტროფის წინაშეა"- ნარკოლოგი ამფიტამინის შესახებ შემაშფოთებელ ინფორმაციას ავრცელებს

სოც.მედია - 16:18, 06 Jun, 2019

7384

ნარკოლოგი ზურა სიხარულიძე სოციალურ ქსელში ამფეტამინის მოხმარებელს საგანგაშო შედეგზე აფრთხილებს.

"რაც დღეს ხდება ამფეტამინის მოხმარების თვალსაზრისით საქართველოში უკვე ყველა საზღვარს გადასცდა, კატასტროფის წინაშე ვდგავართ და გამოსავალიც არ ჩანს, ვინაიდან ამ ნივთიერების მომხმარებლები არ თვლიან, რომ ეს არის პრობლემა. ახალი მიდგომები, რაც დღეს მსოფლიოშია არც ინერგება და არც საუბრობს ამაზე არავინ. უნდა ვისაუბროთ, როგორ შევამციროთ ზიანი, რომელიც მოაქვს ამ ნივთიერებას და რას მივიღებთ შორეულ პერსპექტივაში თუნდაც 5 წლის შემდეგ. ის ფსიქოპათლოგია, რომელიც ვითარდება ამ ნივთიერების მოხმარების დროს დიდ შეშფოთებას იწვევს და განვითარებული ქცევითი და ფსიქიკიკური აშლილობა ძალიან რთული სამართავია და ზოგჯერ საერთოდ უმართავიც. პერსპექტივაში მივიღებთ ძალიან დიდ კოჰორტას ადამიანების, რომლებიც ორმაგი დიაგნოზების მქონე იქნებიან. დღევანდელი სისტემა მაგისთვის არ არის მზად და არც უჩანს პირი, რომ მოემზადება ან რამეს იზამს. თუ ჩვენ არ გავითვალისწინეთ და არ დავნერგეთ საერთოშორისო პრაქტიკა ამ ნივთიერების ზიანის შესამცირებლად ნამდვილად დიდი კატასტროფის წინაშე აღმოვჩნდებით. მარტო მედიკალიზაცია ამ პრობლემის არაფერს მოიტანს, სჭირდება სოციალური მიდგომების განვითარება რითი დავეხმაროთ ასეთ ადამიანებს, ვინც აირჩია ეს გზა" - წერს ნარკოლოგი.