სექსუალური ძალადობის მსხვერპლმა 17 წლის გოგომ ევთანაზია გაიკეთა

ეს საინტერესოა - 16:16, 05 Jun, 2019

6095

ნიდერლანდელი 17 წლის ნოა პოტჰოვენი, რომელიც რამდენიმე წლის წინ გაუპატიურების მსხვერპლი გახდა, ევთანაზიის შედეგად გარდაიცვალა.

ქალაქ არნემის მკვიდრი გოგონა სექსუალური ძალადობის მსხვერპლი პირველად 11 წლის ასაკში საბავშვო დღესასწაულზე გახდა, 14 წლის ასაკში კი ის ორმა მამაკაცმა გააუპატიურა. ამის შემდეგ, გოგონას ექიმებმა პოსტტრავმული სტრესული აშლილობა დეპრესია და ანორექსია დაუდგინეს.

ნოამ ცოტა ხნის წინ ავტობიოგრაფიული წიგნი „გამარჯვება ან სწავლა“ გამოსცა. მისი თქმით ამისთ მას სურდა დახმარებოდა იმ მოზარდებს, რომლებიც მის მსგავს სიტუაციაში აღმოჩნდნენ. ნოას თქმით, ნიდერლანდებში არ არის სპეციალიზირებული კლინიკები სადაც მოზარდებს ფსიქოლოგიური ან ფიზიკური დახმარებისთვის მისვლა შეუძლიათ.

ბოლო თვეების განმავლობაში ნოა ცდილობდა მიეღო ევთანაზიის პროცედურის ჩატარებაზე ნებართვა, თუმცა ამის შესახებ არც მეგობრებისთვის და არც მშობლებისთვის არ შეუტყობინებია.

იმის შესახებ, რომ მან ევთანაზიაზე დადებითი პასუხი მიიღო და მალე მოკვდებოდა, ნოა პოტჰოვენმა პროცედურის წინა დღეს Instagram-ზე დაწერა.

„მე დიდხანს ვფიქრობდი, ღირდა თუ არა ამის შესახებ მოყოლა, მაგრამ მაინც გადავწყვიტე ამის გაკეთება. შეიძლება ეს ზოგიერთებისთვის მოულოდნელობა იყო, ჩემი ჰოსპიტალიზაციის შესახებ პოსტები, მაგრამ ეს ჩემი დიდი ხნის გეგმაა და საერთოდ არაა იმპულსური. პირდაპირ საქმეზე გადავალ: მაქსიმუმ 10 დღის შემდეგ მოვკვდები.“- დაწერა ნოამ და მეგობრებს მოუწოდა რომ არ დაიწყოთ მისი გადარწმუნება.

პროცედურა გოგონას სახლში 2 ივნის ჩატარდა. ცნობილია, რომ ნოამ ევთანაზიის შესახებ გადაწყვეტილება დამუკიდებლად მშობლების გარეშე მიიღო. ნიდერლანდების სამეფოში ევთანაზია ლეგალურია და განსაკუთრებულ გარემოებებში ის დასაშვებია მოზარდებშიც.

2017 წელს ნიდერლანდებში ევთანაზიით სიცოცხლე დაასრულა 6585 ადამიანმა, რაც ქვეყანაში გარდაცვალების საერთო რიცხვის 4,4%-ია.