სოციალურ ქსელში გიორგი ელისაშვილი, ბოლო დროს გახმაურებული და პოპულარული სერიალის "ჩერნობილის შესახებ წერს. მისი თქმით, სერიალის ერთ-ერთი პერსონაჟი "ბაჩო" მამამისის სახეა.

"ეს არის #HBO -ს ერთ-ერთი ყველაზე გამორჩეული სერიალი #ჩერნობილი. მეორე ფოტოზე სერიალის ერთ-ერთი გმირი ბაჩოა საქართველოდან. ბაჩო მამაჩემის სახეა, რომელიც საბჭოთა დამპალმა სისტემამ დაახლოებით 500,000 ახალგაზრდასთან ერთად წაიყვანა უსისხლო სასაკლაოზე, მოტყუებით, ინფორმაციის დამალვით, დაშინებით ... მხოლოდ იმ მიზეზით, რომ ცკ-ს ბრძანებით „სსრკ-ში არ შეიძლებოდა ატომური ავარია მომხდარიყო“ და ამის შესახებ ცივილიზებულ მსოფლიოს გაეგო.

მამაჩემს „გაუმართლა“ და ამ ამბების შემდეგ, მიღებულმა რადიაციულმა დოზამ 20 წელი კიდევ აცოცხლა. ეს მედალი დაგვრჩა ამ საშინელი ტრაგედიიდან, რომელსაც ძალიან ბევრი ადამიანი შეეწირა და დღემდე კვდებიან ნელი სიკვდილით" - წერს გიორგი ელისაშვილი.