დვანში მავრთულხლართების გაბმა რუსმა სამხედროებმა უკვე მესამე დღეა შეაჩერეს, როგორც სოფელში აცხადებენ, ოკუპანტებმა დასამონტაჟებლად მოტანილი რკინის კონსტრუქციები უკან წაიღეს და ე.წ. სადემარკაციო სამუშაოები უკვე მესამე დღეა აღარ მიმდინარეობს.

დვანის სამმა მოსახლემ საცხოვრებელი სახლი დაშალა და სამშენებლო მასალა უსაფრთხო ადგილზე გადაიტანა. სოფლის მოსახლეობამ , მოსავლის ნაწილი აიღო, მათ ბაღებზე და ვენახებზე მავრთულხლართებმა უკვე გაიარა, მავრთულხლართების მიღმა მოექცა სახნავ-სათესი მიწები და საძოვარი.