შინაგან საქმეთა სამინისტროში ე.წ "ჯიჰადის" ვიდეორგოლის საქმის გახსნასთან დაკავშირებით დღეს ბრიფინგი გაიმართება. ბრიფინგი სამინისტროში 11:00 საათისთვის არის დანიშნული.

შეგახსენებთ, რომ საქმის გახსნის შესახებ ინფორმაცია ჟურნალისტებს შინაგან საქმეთა მინისტრმა ირაკლი ღარიბაშვილმა 1 ოქტომბერს, მთავრობის სხდომის შემდეგ მიაწოდა.

„ჯიჰადის ვიდეო“ ავღანეთში ქართულ სამხედრო ბაზაზე თავდასხმამდე რამდენიმე დღით ადრე, სოციალურ ქსელებსა და ვიდეოპორტალებზე გავრცელდა და დიდი ვნებათაღელვა გამოიწვია. ვიდეოს გავრცელებას მოჰყვა თავდასხმა ავღანეთში მყოფი ქართული შენაერთის ბაზაზე, რასაც ქართველი სამხედრო მოსამსახურეების სიცოცხლე შეეწირა.