”პრემიერის ”კარზე” სამოქალაქო საზოგადოებისათვის ცნობილი სახეები, კერძოდ ექსპერტები და ჟურნალისტები მხოლოდ კრიტიკის ქარცეცხლში გასავლელად ხვდებიან, რომელიც სახელისა და რეპუტაციის შელახვის ტოლფასია, აცხადებს სამოქალაქო საზოგადოების წარმომადგენელი ალექსანდრე ლომოური.

ლომოურის თქმით, პრემიერის ”კარზე” შეტევა ჯერ ექსპერტების ხოლო რამოდენიმე დღეში ჟურნალისტების მიმართ გაგრძელდა.

”არ შეიძლება, როცა სამოქალაქო საზოგადოების აქტიურ ნაწილს კონკრეტულად კი ჟურნალისტებს პირდაპირ ეთერში პრემიერ-მინისტრი აკრიტიკებს და უმნიშვნელო შენიშვნებს აძლევს, ასეთი მიდგომა არის პოლიტიკური ”ნაღმის” ამოქმედების ტოლფასი”. - განმარტავს ლომოური.