"თუ სრულფასოვნად არ გამოიძიებთ ამ დანაშაულს, მაშინ მთავარ ბრალეულად ჩავთვლით საქართველოს ხელისუფლებას" - ნიკა გვარამია "რუსთავი2" - ის თანამშრომლების ცემის ფაქტზე შსს-ს მიმართავს

სოც.მედია - 20:23, 23 May, 2019

1660

7 თვის შვილის მკვლელობაში ბრალდებული დედის ახლობლების მიერ "რუსთავი 2"-ის ჟურნალისტებზე თავსდასხმის ფაქტს არხის გენერალური დირექტორი ეხმაურება.
ნიკა გვარამია შინაგან საქნეთა სამინისტროს მიმართავს და აფრთხილებს, რომ თუ მყისიერად და სრულფასოვნად არ იქნება საქმე გამოძიებული და დამნაშავეები დასჯილი, ერთადერთ და მთავარ ბრალეულად ჩაითვლიან საქართველოს ხელისუფლებას.
"შინაგან საქმეთა სამინისტრო / Ministry of Internal Affairs of Georgia

საქართველოში უკვე ნორმადა დამკვიდრებული ჟურნალისტების ცემა ან სხვაგვარი შევიწროება, რაც ხელისუფლების მხრიდან მედიაზე სისტემატური თავდასხმების და ძალადობის წახალისების პირდაპირი შედეგია!

ჩვენს ჟურნალისტს ედიშერ მუშკუდიანს და მის ოპერატორს თავს დაესხნენ და სასტიკად სცემეს. გაფრთხილებთ, თუ მყისიერად და სრულფასოვნად არ გამოიძიებთ ამ საქმეს და ამ დანაშაულში მონაწილე ნებისმიერი პირი თუ დააღწევს პასუხისმგებლობის მთელი სიმკაცრით დასჯას, მაშინ დამატებითი მოკვლევისა და მტკიცებულებების გარეშე, ამ დანაშაულის ორგანიზებასა და განხირციელებში ერთადერთ და მთავარ ბრალეულად ჩავთვლით საქართველოს ხელისუფლებას!" - წერს ნიკა გვარამია სოციალურ ქსელში