ტელეარხი „ტაბულა“ 2 ოქტომბერს, პრემიერმინისტრის ბიზნესცენტრის მიმდებარე ტერიტორიაზე ბრიფინგს გამართავს. როგორც „ტაბულას“ ხელმძღვანელი თამარ ჩერგოლეიშვილი სოციალურ ქსელ „ფეისბუქში“ აანონსებს, ბრიფინგი ბიზნესცენტრთან 10:00 საათზეა დაგეგმილი და ის ჟურნალისტებთან პრემიერმინისტრის შეხვედრის პარალელურად გაიმართება.

თამარ ჩერგოლეიშვილი „ტაბულა ტვ“-ზე ახალი თოქშოუს „ამაოების ბაზარი“ დაწყებასაც აანონსებს და აცხადებს, რომ მისი წამყვანი ყველასთვის ცნობილი ჟურნალისტია:

"ხვალ, 2 ოქტომბერს, 10:00-ზე, ტელევიზია „ტაბულა“ პრემიერ ბიძინა ივანიშვილის ბიზნეს ცენტრის მიმდებარე ტერიტორიაზე ბრიფინგს გამართავს. 

ტელევიზიის წარმომადგენლები საქართველოს მთავრობის ხელმძღვანელის პრესსამსახურის მედიისადმი სელექციური მიდგომის შესახებ ისაუბრებენ.

ამასთან, ხვალ, ვისარგებლებ შემთხვევით და ჩვენთვის მეტად სასიამოვნო სიახლის შესახებ შეგატყობინებთ - ტაბულას კიდევ ერთი პოლიტიკურ-საზოგადოებრივი თოქ შოუ დაემატება, სახელწოდებით - „ამაოების ბაზარი“ გადაცემის ავტორი ჩემი მეგობარი და ყველასთვის ცნობილი ჟურნალისტია. დანარჩენი, ხვალ - პრემიერის ბიზნეს ცენტრთან“, - წერს თამარ ჩერგოლეიშვილი.