პროექტი "სტუდენტები ლეიკემიით დაავადებული ბავშვების გადასარჩენად" დაიწყო

საზოგადოება - 13:31, 01 Oct, 2013

1024

საქართველოს სტუდენტთა უფლებების ლიგის პროექტი „სტუდენტები ლეიკემიით დაავადებული ბავშვების გადასარჩენად“ თბილისის სახელმწიფო სამედიცინო უნივერსიტეტიდან დაიწყო. აქციაში „გაიღე სისხლი გადაარჩინე ბავშვის სიცოცხლე“ ასობით სხვადასხვა უნივერსიტეტის სტუდენტმა მიიღო მონაწილეობა.

„საქართველოს სტუდენტთა უფლებების ლიგის პროექტი „ლეიკემიით დაავადებული ბავშვების გადასარჩენად“ ფარგლებში დღეს თბილისის სახელმწიფო სამედიცინო უნივერსიტეტში განხორციელდა სისხლის უანგარო დონაცია. აღსანიშნავია ის რომ დაფიქსირდა უპრეცედენტო დონორთა რაოდენობა, რისთვისაც მადლობას ვუხდი თითოეულ მონაწილეს. ასევე ხაზგასმით ავღნიშნავ რომ პროექტის ფარგლებში დაიგეგმება სხვადახვა უნივერსიტეტებში მსგავსი აქცია. ამიტომ მოვუწოდებ სტუდნეტებს რომ გაიღონ სისხლი და გადაარჩინონ ბავშვების სიცოცხლე“ - განაცხადა საქართველოს სტუდენტთა უფლებების ლიგის პრეზიდენტმა ნოდარ თათვიძემ

„უღრმესი მადლობა მინდა გადავუხადო საქართველოს სტუდენტთა უფლებების ლიგას იმისთვის, რომ ეხმარებიან ლეიკემიით დაავადებულ ბავშვებს. საქართველოს სტუდენტთა უფლებების ლიგის თაოსნობით უკვე მესამედ იმართება მსგავსი აქცია 2013 წელს და იმედია სისტემატურ სახეს მიიღებს. კარგი იქნება თუ სხვადასხვა უნივერსიტეტებში ჩატარდება მსგავსი ღონისძიება და ჩაერთვებიან ახალგაზრდები. მინდა ავღნიშნო რომ მსგავს პროექტებთან შედარებით რომელიც ხორციელდება ეს აქცია გამოირჩევა იმით რომ დღეს რეკორდული მაჩვენებელი დაფიქსირდა სისხლის უანგარო დონაციის“ - განაცხადა იაშვილის სისხლის ბანკის მენეჯერმა თათია ვაჭრიძემ.