სათავო ნაგებობა, რომელიც ქარელის რაიონის სოფელ დვანს სასმელი წყლით უზრუნველყოფს, ე.წ. საზღვრის მიღმა რჩება.

მოსახლეობა კი ეჭვობს, რომ შესაძლოა, რუსი ოკუპანტები წყალში მომწამვლავ ნივთიერებას ურევენ, რათა მოსახლეობამ სოფელი დატოვოს. - ამის შესახებ დვანში მცხოვრებმა მოსახლეობამ „ტვ3“-ის პირდაპირ ეთერში, ინგა გრიგოლიას გადაცემაში „დიდი პოლიტიკა“ ჩართვის დროს განაცხადა.

სოფელ დვანის მოსახლეობა ფიქრობს, რომ რუსმა ოკუპანტებმა აღნიშნულ ხერხს უკვე მიმართეს. მათი თქმით, რუსი მესაზღვრეები სასმელ წყალში ურევენ მომწამვლელ ნივთიერებას, რომელიც მოსახლეობის ჯანმრთელობაზე უარყოფითად მოქმედებს.

მათივე თქმით, რამდენიმე ადამიანი საავადმყოფოში მოხვდა, ერთ-ერთი კი გარდაიცვალა.