ე.წ. სამხრეთ ოსეთის რესპუბლიკის ტერიტორიაზე და ოკუპირებულ აფხაზეთში განთავსებულ სამხედრო ნაწილებსა და დასახლებებში მცხოვრები რუსი ოკუპანტები, რომელთაგან ზოგი ახალწვეულია, ზოგი კი ე.წ. „კონტრაქტნიკი“, მავთულხლართების გავლებისგან და ახალი საზღვრების დაწესებისგან თავისუფალ დროს, ცხინვალის რეგიონში, 2008 წელს რუსეთ–საქართველოს ომის დროს დანგრეული ქართველების სახლების აივნებზე ფოტოობიექტივის წინ პოზირებენ, ქართული სოფლების მიტოვებულ ვენახებსა და ხეხილის ბაღებში მოწეულ მოსავალს აგემოვნებენ და მიტოვებულ საფლავებზე სანგრებს თხრიან. 

ამასთან, ქართული წარწერების მქონე საფლავებთან სამახსოვრო ფოტოს გადაღებასაც აუცილებლად მიიჩნევენ, სამხედრო ნაწილებში ჰიტლერის პაროდირებით ერთობიან, ქართველებს კი ჭურვებს "სამახსოვრო წარწერებით" გვიგზავნიან.

აქვე ვაქვეყნებთ აფხაზეთში, გუდაუთის მე-7 სამხედრო ბაზაზე გადაღებულ სახასიათო ფოტოებს, სადაც კარგადაა ასახული რუსული ჯარის დღევანდელი ყოფა.

„ნიუპოსტი“ ექსკლუზიურად გთავაზობთ ოკუპირებულ ტერიტორიებზე - სამაჩაბლოსა და აფხაზეთში 2012–2013 წელს გადაღებულ ოკუპანტთა ფოტოების მეორე ნაწილს.