თავდაცვისა და შს ყოფილი მინისტრის ბაჩო ახალაიას სასამართლო პროცესის დასკვნითი ნაწილის ჩატარება დღესაა დაგეგმილი. პროცესზე პროკურორი დასკვნით სიტყვას წარმოთქვამს, რის შემდეგაც სასამართლომ ე.წ. ციხის ბუნტის ეპიზოდზე განაჩენი უნდა გამოაცხადოს.

ბაჩო ახალაიას ადვოკატი მიიჩნევს, რომ სასამართლოს არანაირი საფუძველი არ გააჩნია, რათა მისი დაცვის ქვეშ მყოფი ისევ პატიმრობაში დატოვოს:

„დღეს, როგორც იქნა, მობრძანდა პროკურორი და ალბათ, იტყვის დასკვნით სიტყვას, რის შემდეგაც დაცვა წარმოთქვამს სიტყვას და დაასაბუთებს, რატომ არ უნდა იჯდეს ბაჩანა ახალაია ციხეში. იმედი მაქვს, რომ სასამართლო ამ არგუმენტებს გაიზიარებს“, - ამბობს ონიანი.