ჯგუფ "Band e Roll" -ის ოფიციალური განცხადება

სოც.მედია - 15:50, 29 Sep, 2013

1033

"ბოლო დროს, ჩვენს ჯგუფში მომხდარმა ცვლილებებმა, საზოგადოებაში გაურკვევლობა და ათასგვარი ჭორი გამოიწვია, რის გამოც გადავწყვიტეთ ამ განცხადების გავრცელება.

ჯგუფი "Band e Roll"-ი ჩამოყალიბდა 2008 წლის ზაფხულში. ნელ-ნელა განვითარდა და 2011 წლის თებერვალში, როდესაც "ღამის შოუ სტუდია" ახალი გადაცემისთვის, "ღამის შოუ ოთარ ტატიშვილთან ერთად" მუსიკალურ ბენდს ეძებდა, არჩევანი ჩვენზე შეაჩერეს.

ამის შემდეგ უფრო ფართო საზოგადოებისთვის გავხდით ცნობადები, რამაც ჩვენს მიმართ დაინტერესება და უფრო დიდი მოთხოვნა გამოიწვია.
სწორედ ამ მიზეზით, 2011 წლის შემოდგომაზე, მენეჯერის ფუნქციის შესასრულებლად, დავიქირავეთ დავით გაგუა.

ამ ორწლიანი ურთიერთობის განმავლობაში თავი იჩინა აზრთა სხვადასხვაობამ რიგ საკითხებთან დაკავშირებით, რაც დროსთან ერთად უფრო გამწვავდა და საბოლოოდ, 2013 წლის 1 სექტემბერს, "Band e Roll"-სა და დავით გაგუას შორის დადებული სიტყვიერი შეთანხმება თანამშრომლობის შესახებ, ასევე
სიტყვიერად გავაუქმეთ და დავით გაგუა გავათავისუფლეთ დაკავებული პოზიციიდან.
ყველა ორგანიზაცია თუ კერძო პირი, რომლებთანაც გვქონია ურთიერთობა, პირდაპირ კავშირზე გაგვყავდა დავით გაგუასთან, რადგან თვალდახუჭულები ვენდობოდით მას.
აქედან გამომდინარე, არანაირი კონტაქტები ამ ადამიანებთან ჩვენ არ გვაქვს, რითაც ყოფილი მენეჯერი ბოროტად სარგებლობს და დამკვეთებს, რომლებიც ჩვენთან დასაკავშირებლად მას ურეკავენ, ხან გაუგებარ, ორაზროვან პასუხებს სცემს, ხან კი უსირცხვილოდ ატყუებს, თითქოს "Band e Roll"-ი დაიშალა, ან ბენდის ვოკალისტი წავიდა და სთავაზობს თავის ახალ ბენდს.
აქვე ხაზგასმით ავღნიშნავთ, რომ ამ ახალი ბენდის საწინააღმდეგო არაფერი გვაქვს.პირიქით,ეს ადამიანები ჩვენი კოლეგები არიან, უმრავლესობასთან მეგობრული ურთიერთობა გვაქვს, უსაზღვრო პატივს ვცემთ და
უდიდეს წარმატებებს ვუსურვებთ მათ. მაგრამ როდესაც დამკვეთს უნდა, რომ მის კორპორატიულ საღამოზე უკრავდეს "Band e Roll"-ი, დავით გაგუას არანაირი უფლება არ აქვს, ასეთი ბინძური ხრიკებითა და ტყუილებით ჩაანაცვლოს ეს ბენდისხვა ნებისმიერით.
ამ პოსტში დავით გაგუასაც ვნიშნავთ რათა ეს განცხადება მანაც წაიკითხოს. დავით გაგუა უკვე 27 დღეა აღარაა ჯგუფ"Band e Roll"-ს მენეჯერი. ჩვენი საკონტაქტო ნომერია 555-466-121.
უმორჩილესად გთხოვთ ყველას, ვინც ამ განცხადებას წაიკითხავთ, დააკოპირეთ თქვენი facebook-ის თავფურცელზე, რათა რაც შეიძლება მეტმა ადამიანმა გაიგოს ეს ინფორმაცია. გისურვებთ წარმატებებს.

გმადლობთ რომ ირჩევთ "Band e Roll"-ს."
იხ. ბმული