რამდენიმედღიანი პაუზის შემდეგ რუსმა ოკუპანტებმა ქარელის რაიონის სოფელ დვანში ე. წ. სადემარკაციო სამუშაოები განაახლეს.

ამასთან, დვანში, ე.წ. სასაზღვრო ზოლში მოხვედრილი სამი ქართველი მცხოვრების ოჯახი, რომელთა წევრებიც საცხოვრებელ სახლებს შლიან, ოკუპანტების მიერ ასაყრელად მიცემული ვადის გახანგრძლივებას ითხოვენ, თუმცა, დადებითი პასუხი ჯერ არ მიუღიათ.

საპროტესტო აქცია დვანში დღესაცაა დაგეგმილი - სოფელში არასამთავრობო ორგანიზაციებისა და საზოგადოების წარმომადგენლები გეგმავენ ჩასვლას.