ნარკოტიკული "შოუ-რუმი" – „უწყებათაშორისი პრობლემა და „გამჟღავნებული“ აგენტ-პროვოკატორი?“

სოც.მედია - 12:21, 26 Apr, 2019

13541

ნარკოდანაშაულისთვის დაკავებული მსახიობის ლევან ჯიბრაშვილის გირაოთი გათავისუფლებას გამოხმაურება მოჰყვა სოციალურ ქსელში. მედიაში გავრცელებული ინფორმაციით, ჯიბღაშვილს მეგობრობა აკავშირებს შს მინისტრის მოადგილე კახა საბანაძესთან და დაკავებისას მის მიერ ნათქვამი ფრაზა, რომ „კახას დაუეკეთ“ - სწორედ მინისტრის მოადგილესთან ზარს გულისხმობდა. რაც შეეხება თავად ჯიბღაშვილს, როგორც მან „რეაქციის“ ეთერში განაცხადა, მისთვის მოულოდნელი იყო საზოგადოების ასეთი გაკვირვება გირაოს შეფარდებაზე, რადგან მიიჩნევს, რომ ასეთი დანაშაულით უამრავი ადამიანია გირაოთი გათავისუფლებული. რაც შეეხება იმ ფაქტს, რომ მსგავსი და უფრო მსუბუქი დანაშაულისთვის ციხეში ადამიანები დღესაც სხედაბ, ჯიბღაშვილს პასუხი არ ჰქონდა და აცხადებდა, რომ მის მიმართ ატეხილი ხმაური უკავშირდება იმას, რომ ის მისი თქმით, „ცნობილი ადამიანია“. ლევან ჯიბღაშვილმა ინგა გრიგოლიას კითხვაზე, არის თუ არა ის ნარკოტიკების მომხმარებელი, უაპსუხა, რომ არ არის, თუმცა გაურკვეველი დატოვა საკითხი, მაშინ რა დანიშნულებით ჰქონდა მას ნარკოტიკი დაკავების მომენტში.

ამ კონკრეტულ ფაქტს სოციალურ ქსელში ეხმაურება ექსპერტი გია ხუხაშვილი:

„თუ პირი არც მომხმარებელია, არც გამსაღებელი და მანქანაში მოწყობილი აქვს ნარკოტიკული შოუ-რუმი. ჩნდება ეჭვი, რომ ის არის რომელიმე სტრუქტურის აგენტი-პროვოკატორი, რომელსაც მეორე სტრუქტურა “ამჟღავნებს” რაღაც უწყებათაშორისი პრობლემების გამო?!“ - წერს ხუხაშვილი.

ლევან ჯიბღაშვილი, რომელიც ბიზნესსაქმიანობით არის დაკავებული ამბობს, რომ მის მიმართ ბოლო პერიოდში არაერთი ცილისწამება გაჟღერდა. მსახიობი და ბიზნესმენი არ უარყოფს შინაგან საქმეთა მინისტრის მოადგილესთან მეგობრობას, თუმცა აცხადებს რომ მათ ურთიერთობას სასამართლოს გადაწყვეტილებაზე არანაირი კავშირი არ ჰქონია.

"ამოიღეს ჩემი კომპანიების ჩამონათვალი, სადაც იყო ერთ-ერთი შპს სუსი, ეს კომპანია არის დარეგისტრირებული 2015 წელს, მაშინ როცა უნდა

გაგვეკეთებინა საქველმოქმედო ორგანიზაცია "სულიერება და სიბრძნე", ეს ინიციალები რომ ჩავწერეთ ამოვიდა ინიციალები და დაერქვა სუსი.ამავე წელს შეიქმნა სუსის სამსახური და მერე და მერე გახდა პოპულარული"- განაცხადა მსახიობმა.