აქციის მონაწილეთა პროტესტი რამდენიმე დღის წინ გამართულმა აქციამ გამოიწვია, რომელზეც პოლიციელების დაჭრაში ერთ-ერთი ეჭვმიტანილის ნათესავებმა ინციდენტს პოლიციელების მიერ პროვოცირებული უწოდეს.

ერთ-ერთი სამართალდამცველის მამა აცხადებს, რომ თავად დაინახა როგორ სცემდა გიორგი ჯინჭარაძესა და ზურაბ მჟავანაძეს ეჭვმიტანილი იმნაძე სხვა ოთხ პირთან ერთად. მას პოლიციელებთან პირადი ანგარიშსწორების მცდელობა ინციდენტამდე რამდენიმე დღით ადრეც ჰქონდა.

შეგახსენებთ, რომ შინაგან საქმეთა სამინისტროს ინფორმაციით, 18 სექტემბერს ქობულეთის რაიონული სამმართველოს ორი თანამშრომელი ერთ-ერთის მეზობელმა მეორე პირთან ერთად ცივი იარაღით დაჭრა.

ინციდენტის დროს არც ერთი პოლიციელი სამსახურებრივ მოვალეობას არ ასრულებდა. სისხლის სამართლის საქმე განზრახ მკვლელობის მცდელობის მუხლითაა აღძრული. მიმდინარეობს გამოძიება. ერთ-ერთი დაჭრილი პოლიციელი მკურნალობის კურსს სახლში გადის, მეორე კი ამ დრომდე ქობულეთის საავადმყოფოში რჩება.