საზოგადოებრივი მაუწყებლის სამეთვალყურეო საბჭოს წევრმა, ეკა მაზმიშვილმა ბორდის დატოვების თხოვნით განცხადება დაწერა. აღნიშნულ ინფორმაციას, საზოგადოებრივი მაუწყებლის სამეთვალყურეო საბჭოს თავმჯდომარე ემზარ გოგუაძე ადასტურებს.

გავრცელებული ინფორმაციით, ეკა მაზმიშვილმა განცხადება რამდენიმე დღის წინ პრეზიდენტის სახელზე დაწერა. გოგუაძე კი განმარტავს, რომ განცხადება პარლამენტის სახელზე უნდა დაწერილიყო. მისივე თქმით, ბორდის კიდევ ერთი წევრის წასვლის შემთხვევაში, საზოგადოებრივი მაუწყებელი საფრთხის წინაშე დადგება.

თავად ეკა მაზმიშვილმა კი ბორდის დატოვების მიზეზად მოუცლელობა დაასახელა და განმარტა, რომ გადატვირთული გრაფიკის გამო იგი ბორდის სხდომებს ვერ ესწრებოდა.