წინა ხელისუფლებამ დაუშვა შეცდომა და ახალიც იგივეს გააკეთებს, თუ მოსამართლეებისთვის გამოსაცდელ ვადას დააწესებს", - აღნიშნულის შესახებ უზენაესი სასამართლოს თავმჯდომარემ კოტე კუბლაშვილმა მოსამართლეთა საერთაშორისო კონფერენციაზე ჟურნალისტებს განუცხადა.

მისივე თქმით, ეს კანონი მართლმსაჯულების დამოუკიდებლობას ხელს შეუშლის. "მთავარი საკითხი მოსამართლეთა დანიშვნის პროცესში, ეს არის სამწლიანი გამოსაცდელი ვადის შემოღება, ეს შესაძლებლობა მითითებულია 2010 წლის კონსტიტუციაში, მაგრამ ეს მხოლოდ შესაძლებლობაა და არა ვალდებულება.

ასეთი ვადის შემოტანა ნიშნავს, რომ მოსამართლეები, რომლებიც სამი წლით იქნებიან დანიშნული, იუსტიციის უმაღლესი საბჭოს კონტროლის ქვეშ მოექცევიან.  

ყოველწლიურად მათ იუსტიციის უმაღლესი საბჭო გააკონტროლებს და შეამოწმებს მათ მიერ განხილულ საქმეებს. თავის დროზე, როდესაც კონსტიტუციაში ჩაიდო ეს შესაძლებლობა, ეს იყო წინა ხელისუფლების შეცდომა. ჩემი პირადი პოზიცია ყოველთვის იყო, რომ არ გვჭირდებოდა ამ ტიპის გამოსაცდელი ვადა, რადგან ჩვენ მოსამართლეთა არჩევის სხვაგვარი სისტემა გვაქვს.

ჩვენ იუსტიციის უმაღლესი სკოლა გვაქვს, სადაც ვამზადებთ კანდიდატებს და პირდაპირ არ ვნიშნავთ, როგორც ეს სხვა ზოგიერთ ქვეყანაშია. სამწუხაროდ, წინა ხელისუფლების შეცდომას მეორე შეცდომა ახლანდელი ხელისუფლებისგან მოჰყვება, თუ კი მოსამართლეების გამოსაცდელი ვადის დანიშვნა მოხდება", - განაცხადა კუბლაშვილმა.