გორის რაიონის მუნიციპალიტეტის შენობასთან შეკრებილ აქციის მონაწილეებს გორის პოლიციის სამმართველოს უფროსი დავით ბუხრაძე, საკრებულოსა და მუნიციპლიტეტის თავმჯდომარეები შეხვდნენ.

აქციის მონაწილეებს, რომლებიც მკვლელობაში ბრალდებული 23 წლის ელგუჯა გელაძის გათავისუფლებას ან ბრალის შემსუბუქებას ითხოვე, სამმართველოს უფროსი დაჰპირდა რომ საქმეს გადახედავდნენ.

"კანონის ფარგლებში რისი შესაძლებლობაც იქნება, ჩვენ ვეცდებით, რომ ყველაფერი გავაკეთოთ," - განუცხადა აქციის მონაწილეებს ბუხრაძემ.

აქციის მონაწილეები კი აცხადებენ, რომ თუ ბრალდებულს არ შეუმსუბუქებენ ბრალს, ისინი აქციებს ყოველდღე გამართავენ. მოკლულის ოჯახს კი მიცვალებულის დასაფლავებისსაშუალებას არ მისცემენ.

"თუ არ გვეტყვიან პასუხს დროულად, ჩვენ არ მივცემთ მთვარაძეებს მიცვალებულის დაკრძალვის უფლებას სოფლის სასაფლაოზე, ადგნენ და თავიანთი შვილი საკუთარ ეზოში დაკრძალონ", - აცხადებენ შინდისის მცხოვრებლები.

აქციის მონაწილეები ამბობენ, რომ გელაძე მხოლოდ თავს იცავდა და მის მოკვლას მთვარაძე აპირებდა, გელაძემ კი დანა წარრთვა მას და თავის დაცვის მიზნით ჭრილობები მიაყენა ,რაც სასიკვდილო აღმოჩნდა.

მოკლული მალხაზ მთვარაძე წარსულში ნასამართლევი იყო მკვლელობისა და ყაჩაღობისათვის, სოფლის მოსახლეობის თქმით, ის წელს ამნისტიით გაათავისუფლდა.

რედაქციის შენიშვნა: ფოტოილუსტრაცია