პარლამენტის განათლების კომიტეტზე კანონპროექტის ინიცირება მოხდა, რომლის მიხედვითაც ქართული სალიტერატურო ენის ნორმების დარღვევისათვის ადმინისტრაციულ პასუხისმგებლობას ექვემდებარებიან მასობრივი ინფორმაციის საშუალებები და თანამდებობის პირები. მედიის წარმომადგენლები ქართული ენის სრულყოფილად არცოდნისთვის პირველ ჯერზე 1 000-დან 5 000 ლარამდე დაჯარიმდებიან.

რაც შეეხება თანამდებობის პირებს, სახელმწიფო ენის არცოდნის მოტივით განცხადების ან წერილობითი დოკუმენტის მიღებაზე უარის თქმა, თანამდებობის პირის დაჯარიმებას 200 ლარიდან 500 ლარამდე გამოიწვევს.