რუსული ტელეარხის "РОССИЯ КУЛЬТУРА"-ს ეთერში გასული ინფორმაციის თანახმად, დაღესტანში, ისტორიის, ეთნოგრაფიისა და არქეოლოგიის ინსტიტუტში, ხელნაწერების ციფრულ ფორმატში გადაყვანისას სპეციალისტებმა აღმოაჩინეს უძველესი ხელნაწერი - ქართულ ენაზე შესრულებული სახარება, რომელიც VI საუკუნით თარიღდება.

სპეციალისტების განცხადებით, ეტრატი, რომელზეც ქართულ ენაზე დაწერილი სახარებაა, გადარეცხვის შემდეგ ხელახლა არის გამოყენებული და მასზე XI საუკუნეში არაბული ენაზე სუფიური სწავლების ტექსტია გადაწერილი.

"როგორც წესი, ჩვენ ხელნაწერს ქაღალდის, მისი ხარისხისა და ხელნაწერის მეშვეობით ვათარიღებთ. ეს ქაღალდი არ გავს არცერთს, რასთანაც მე მქონდა შეხება 20 წლის განმავლობაში. მას განსხვავებული სტრუქრურა აქვს. ეს პალიმფსესტია - პერგამენტზე წერის მეთოდი, როდესაც ერთ ტექსტს შლიდნენ და მასზე ახალს წერდნენ, რადგან საწერი მასალა ადრეულ შუასაუკუნეებში დეფიციტი იყო.

გვქონდა მტკიცებულებები, რომ დაღესტნისა და ამიერკავკასიის ხალხებს შორის მჭიდრო კონტაქტები არსებობდა, კერძოდ, ამას ადასტურებენ ეთნოგრაფიული ძეგლები და არქეოლოგიური მასალა. ის, რომ აღნიშნული ხელნაწერი ქართულ ენაზეა შესრულებული, კიდევ უფრო ამტკიცებს ჩვენს ვარაუდებს," - აცხადებს ინსტიტუტის თანამშრომელი შამილ შიხალიევი.

სახარება "ასომთავრულით" არის შესრულებული. წიგნი, საბჭოთა წლებში დაღესტნის ლაკსკის რაიონის სოფელ უბრიდან ჩაიტანეს. მისი სრულყოფილად გამოკვლევისა და ისტორიის დადგენის საქმეში უკვე ჩაერთნენ ქართველი სპეციალიტები, რომლებიც დაღესტანში იმყოფებოდნენ.