გლდანის #8 სასჯელაღსრულებით დაწესებულების პატიმარმა, TV3-ის გადაცემაში "დიდი პოლიტიკა" წამების იმ მეთოდებზე ისაუბრა, რისი ატანაც პატიმრებს მრავალი წლის მანძილზე უწევდათ:

„როდესაც ციხეში შემოვედი, სამორიგეოში დამხვდა ლადო ბედუკაძე, მე მას არ ვიცნობდი, ვუთხარი, რომ დიაბეტი მაქვს და ვთხოვე რომ კამერაში ავეყვანე, მან გამაფრთხილა, რომ ხმამაღლა არ მელაპარაკა რადგან საშინელი წამებები იყო, ვუთხარი რომ სპეციალურად მოაგზავნეს ჩემთან, მან უარყო და მითხრა რომ ყველაფერი მალე შეიცვლებოდა, ათ დღეში უფროსი შეიცვალა, მეტსახელად "ქილერა", საშინელი წამებები დაიწყო.

მე მცემეს, საშინლად მაწამეს. სტატიაც გამოვაქვეყნე 2013 წლის ივნისში, ინტერვიუს გამოქვეყნების შემდეგ პროკურორი მოვიდა, მაგრამ არავითარი რეაგირება არ მომხდარა.

უფროსის შეცვლის შემდეგ, შემიყვანეს კაბინეტში, მითხრეს თუ ვითანამშრომლებდი გამიშვებდნენ თუ არადა თავზე დამაშარდავდნენ. ეზოში იყო ორმო, აქ ჰყავდათ თავლებახვეული პატიმარი, რომელსაც ქონების გადაფორმებას სთხოვდნენ და თან აშარდავდნენ. მეუბნებოდნენ, რომ მეც იგივე დამემართბოდა. ეს ყველაფერი ციხის ბევრმა თანამშრომელმაც კი არ იცოდა.

ადგილი ჰქონდა ფიზიკურ და მორალურ წამებასაც. აბაზანაში შვიდ წუთზე მეტს არ გვაჩერებდნენ და ისიც კვირაში მხოლოდ ერთხელ. 26 მაისის შემდეგ განსაკუთრებით აწამებდნენ პატიმრებს. თუ ერთი დააშავებდა რამეს, ყველას ცალ ფეხზე გვაყენებდნენ. გვეკუთვნოდა სეირნობის ერთი საათი და 10 წუთზე მეტს არ გვაჩერებდნენ, მეხუთე სართულზე კი სირბილით ასვლას გვაიძულებდნენ.

პროკურატურა ამაზე არავითარ რეაგირებას არ აკეთებს. ბაჩო ახალაია ხომ არ ეუბნებოდა ამათ, რომ ათ კაცს ერთი ბოთლი წყალი დაუტოვე მარტოო? ეს ყველაფერი არ დაუვალებია ბაჩო ახალაიას და ადეიშვილს, ისინი სხვა სისხლში არიან გასვრილნი, მე ვეკითხები კბილაშვილს და ივანიშვილს, ხომ დაგვპირდნენ რომ სამართლიანობა აღსდგებოდა? რატომ არ გვაქცევენ ყურადღებას? ბატონო ბიძინა, თქვენ ქართველი ხალხის წინაშე მოვალეობები გაქვთ შესასრულებელი", - განაცხადა პატიმარმა.