Tv3-ის გადაცემა „დიდ პოლიტიკაში“ სასჯელაღსრულების დეპარტამენტის ხელმძღვანელმა, მიშა ღურწკაიამ იმ მეთოდებზე ისაუბრა, რომლის საშუალებითაც პატიმრებს სასჯელაღსრულების დაწესებულებებში ნარკოტიკული საშუალებები შეაქვთ: "ვადასტურებ, რომ ციხეებში არსებობს შიდა კორუფცია.

ვცდილობთ ამასთან დაპირისპირებას საკანონმდებლო ცვლილებით და პატიმართა დასაქმებით. ეს აღმოიფხვრება პირველი ოქტომბრიდან მას შემდეგ, რაც პატიმრები სახელმწიფოს მხრიდან მიიღებენ ოფიციალურ ხელფასს. ნარკოტიკები მსოფლიოს ნებისმიერ დაწესებულებაში მეტნაკლებად არსებობს. ამ საკითხზე დასჯილები არიან თანამშრომლებიც. ციხეს მთლიანად თავიდან ბოლომდე აკონტროლებს ადმინისტრაცია. არსებობს ადამიანთა გარკვეული ჯგუფი, რომლებიც მიმდევარნი არიან რელიგიასთან გათანაბრებული მრწამსის.

ნარკოტიკები სხვადასხვა საშუალებით შემოდის, ერთი არის ღობეზე გადაგდება, მეორე როდესაც საკუთარი სხეულით შემოაქვთ, მესამე როდესაც ადმინისტრაციის წევრები ამას კადრულობენ სხვადასხვა ანაზღაურების სანაცვლოდ და არსებობს კიდევ სხვადასხვა მეთოდები, მაგრამ ნარკოტიკული ნივთიერებები სასჯელაღსრულებით დაწესებულებებში ძალიან მცირე რაოდენობით ტრიალებს, ჩვენ ამის გამოვლენა და აღმოფხვრა შევძელით", - განაცხადა სასჯელაღსრულების დეპარტამენტის უფროსმა მიხეილ ღურწკაიამ.