ბლოგერი გურამ შეროზია სოციალურ ქსელში ვიდეოკლიპს აქვეყნებს, რომელიც მის მიერ შესრულებულ სიმღერაზეა გადაღებული.

შეროზია კლიპს იუთუბის არხზე მოკლე აღწერასაც ურთავს:

„კლიპი გადაღებულია სამ ქვეყანაში: ტაილანდი, ინდონეზია (ბალი) და ვიეტნამი.

კლიპში მონაწილე გოგონა - ანასტასია, სრულიად შემთხვევით მოხვდა ვიდეოში. ერთ-ერთი ღამის გადაღების დროს, მოვიდა და გვთხოვა, რომ მისთვისაც გადაგვეღო...

თავიდან ხუმრობად ჩავთვალეთ, ხოლო როცა თავისი ისტორია მოგვიყვა და კლიპში/ფილმში გადაღების ოცნება გაგვიზიარა - არც მეტი, არც ნაკლები - მთავარი როლი მოვუფიქრეთ.

ანასტასია ტრანსგენდერი ქალია, რომელსაც ოჯახიდან წამოსვლა მოუწია, თავს მეძავობით ირჩენს და ცნობილ მსახიობობაზე ოცნებობს. ვერ გეტყვით, რამდენად ავუსრულეთ ოცნება, თუმცა ოცნების ნაწილის განხორციელებაც, ჩვენთვის საკმაოდ სასიამოვნო იყო.“- წერს გურამ შეროზია.