კვირის განმავლობაში 3 ან 3-ზე მეტი კვერცხის მიღება გულის დაავადებათა განვითარების რისკს ზრდის - კვლევა ამის შესახებ ამერიკული სამედიცინო ასოციაციის ჟურნალში გამოქვეყნდა.

კვლევაზე დაყრდნობით CNN წერს, რომ ადამიანებს, რომლებიც კვირაში 3-ზე მეტ კვერცხს ან დღეში 300 მილიგრამ ქოლესტერინს იღებენ, გულის დაავადებათა განვითარების რისკები ეზრდებათ.

"კვერცხი, განსაკუთრებით კი მისი გული მდიდარია ქოლესტერინით. ასე მაგალითად, ერთი დიდი კვერცხი 186 მილიგრამ ქოლესტერინს შეიცავს" - აცხადებენ კვლების ავტორები.

ავტორებმა 29 000-ზე მეტი ადამიანი გამოიკვლიეს. კვლევის პერიოდის დროს, სულ 5 400 გულსისძარღვთა დაავადება დაფიქსირდა, მათ შორის, 1302 ინსულტი, რომელთაგან ნაწილი ლეტალური იყო, 1897 გულის უკმარისობის შემთხვევა და 113 სხვა ისეთი დაავადება, რომელმაც სიკვდილი გამოიწვია.

როგორც კვლევამ აჩვენა, 300 მილიგრამ ქოლესტერინზეე მეტის მიღება დღეში გულის დაავადებათა განვითარების რისკს 3.2%-ით ზრდის, ხოლო ნაადრევი სიკვდილის რისკს 4.4%-ით. კვლევის ავტორების თქმით, თითო დამატებით ნახევარი კვერცხი, გულსისხლძარღვთა დაავადებათა რისკს 1.1%-ით ზრდის, ხოლო სხვა სამედიცინო მიზეზით გარდაცვალების რისკს – 1.9%-ით.