"ბრაზი, ცრემლები...ნუ შექმნით ისეთ გარემოს, სადაც ის რაც კაცს ეპატიება , ქალისთვის უპატიებელი იყოს"

"ბრაზი, ცრემლები...ნუ შექმნით ისეთ გარემოს, სადაც ის რაც კაცს ეპატიება , ქალისთვის უპატიებელი იყოს" - რა რეაქცია მოჰყვა ჩცდ-ს ხმაურიან სერიას

სოც.მედია - 14:58, 16 Mar, 2019

4044

ჩცდ-ს ზაზას და ქითის მიმართ საზოგადოების ინტერესი არ ცხრება. სოციალურ ქსელებში აქტიურად მსჯელობენ იმაზე, თუ როგორ მოიქცეოდნენ პერსონაჟების ადგილზე. ზოგი ადამიანი აკრიტიკებს და გმობს ქეთის საქციელს. ზოგი კი ფიქრობს, რომ უნდა ეპატიოს მას ჩადენილი. გუშინდელმა სერიამ ბევრ ადამიანს იმედი გაუცრუა, რადგან იყო მოლოდინი, რომ ტატიანას დაკრძალვის შემდეგ წყვილი შერიგდებოდა.

"ფეისბუქ" მომხმარებელი ჯაბა კამლაძე აღნიშნულ ფაქტს საინტერესო ისტორიით ეხმაურება:

"ზაზას და ქეთის ისტორიას რომ ვუყურებ ჩემი ისტორია მახსენდება. წლების წინ როცა ძალიან ბნელი და მენტალურ ტყვეობაში მყოფი ადამიანი ვიყავი, ჩემმა ყოფილმა გამომიცხადა ერთ დღეს რომ ქალიშვილი არ იყო. ადვილი წარმოსადგენია იმ მენტალობის ადამიანისთვის როგორი რთული მისაღები იყო. მთელი ღამე ვფიქრობდი გამეგრძელებინა ურთიერთობა თუ არა. საბოლოოდ მივიღე გადაწყვეტილება რომ წარსულზე ეჭვიანობა გოიმობა იყო,რაც წლების ურთიერთობების გამოცდილებამაც დამიდასტურა. შერიგება პათეტიკური გამოვიდა, თავიდან ბრაზი, საყვედურები, ცრემლები დაახლოებით ბრაზილიურ კავკასიური მიქსით. ძალიან ლამაზი და განათლებული ქალია. საზოგადოებაში მასთან ერთად ყოფნა მეამაყებოდა. გარდა ამისა დაუვიწყარი წუთები, პარკებში სეირნობა. ის დარჩა ჩემთვის იმ ქალად, რომელთანაც დაბრუნება ყოველთვის სასიამოვნო იქნება ჩემთვის. ამ გადმოსახედიდანაც ვფიქრობ, რომ მაშინ სწორი გადაწყვეტილება მივიღე და არცერთი წუთით არ ვნანობ ამას.
პ.ს. პოსტის სათქმელი მენტალური პრობლემებია. არ ვამბობ პარტნიორს აპატიეთ ღალატი, თუმცა ნურც ღრმა წილხვედრულ გარემოს შექმნით, სადაც ის რაც კაცს ეპატიება ქალს არა" - წერს კამლაძე.