ძალოვანი უწყებების წარმომადგენლების მიერ წამება და არაადამიანური მოპყრობა - აშშ-ის სახელმწიფო დეპარტამენტის შემაშფოთებელი ანგარიში საქართველოზე

პოზიცია - 22:05, 13 Mar, 2019

2457

ამერიკის სახელმწიფო დეპარტამენტმა მსოფლიოს ადამიანების უფლებების შესახებ ყოველწლიური ანგარიში გამოაქვეყნა, სადაც საქართველოს 47 გვერდი ეთმობა.

ანაგრიშში ყურადღება ეთმობა საქართველოს სასჯელაღსრულების დაწესებულებაში მომხდარ შემთხვევებს, რომელებიც ძალოვანი უწყებების წარმომადგენელთა მიერ ძალადობის ფაქტებს ეხება.

"მიუხედავად იმისა, რომ კონსტიტუცია და კანონი კრძალავს ამგვარ პრაქტიკას, ვრცელდებოდა ცნობები, რომ მას მთვარობის ოფიციალური პირები მიმართავდნენ. 2017 წლის მაისში, პარლამენტისთვის წარდგენილ ანგარიშში, სახალხო დამცველის ოფისი აღნიშნავს, რომ ეფექტური ბრძოლა წამების, სასტიკი, არაადამიანური და დამამცირებელი მოპყრობის ფორმებთან ქვეყნის ერთ- ერთ უმნიშვნელოვანეს გამოწვევად რჩება. "ახალგაზრდა იურისტთა ასოციაციის" ცნობით, მან სასტიკ, არაადამიანურ და დამამცირებელი მოპყრობის სასჯელაღსრულების დაწესებულებებში მომხდარ შემთხვევებზე 6 საჩივარი შეიტანა პროკურატურაში. მათ ასევე 10 საჩივარი შეიტანეს მსგავს შემთხვევებზე, რომლებიც ძალოვანი უწყებების წარმომადგენელთა მიერ იყო ჩადენილი" - აღნიშნულია ანგარიშში.