საინიციატივო ჯგუფი ზუგდიდელ ახალგაზრდებს ენგურის ხიდზე შეკრებისკენ მოუწოდებს. განცხადება სოციალურ ქსელ „ფეისბუქში“ გავრცელდა:

„ძვირფასო მეგობრებო! ხვალ, 24 სექტემბერს 13:00 საათზე, ზუგდიდელი ახალგაზრდები (და არა მარტო ახალგაზრდები) ვიკრიბებით ენგურის ხიდზე, რათა გავაპროტესტოთ რუსი ოკუპანტების მიერ სოფელ დვანში 22 სექტემბერს საქართველოს სახელმწიფო საზღვრების კიდევ ერთხელ ხელყოფა და უარი ვუთხრათ რუსულ ოკუპაციას.

მიუხედავად პოლიტიკური მრწამსისა, ყველას, ვისთვისაც საგანგაშო და მტკივნეულია საქართველოს ოკუპაცია და რუსი ოკუპანტების ქმედებები, მოგიწოდებთ შემოგვიერთდით“, - ნათქვამია განცხადებაში.