გამოკითხულთა 36 პროცენტის მოსაზრებით, რუსეთი საქართველოსათვის საფრთხეს წარმოადგენს, მაგრამ ეს საფრთხე გაზვიადებულია. ამის შესახებ ეროვნულ-დემოკრატიული ინსტიტუტის (NDI) საზოგადოების აზრის კვლევის შედეგებშია ნათქვამი, რომელიც მედიას დღეს თბილისში, სასტუმრო „ქორთიარდ მარიოტში“ გააცნეს. 

რესპონდენტთა 33 პროცენტი ეთანხმება მოსაზრებას, რომ რუსეთი საქართველოსთვის რეალურ და არსებულ საფრთხეს წარმოადგენს. 25 პროცენტის აზრით, რუსეთი საქართველოსათვის საფრთხეს არ წარმოადგენს, 5-მა პროცენტმა არ იცის, 1 პროცენტი კი პასუხზე უარს ამბობს.