Facebook-ის დამფუძნებლის მარკ ცუკერბერგის განცხადებით, 2 წლის განმავლობაში სოცქსელი აპირებს მთავარი აქცენტი მომხმარებელთ პირადი მონაცემების უსაფრთხოების დაცვაზე გააკეთოს. ამის მისაღწევად შეიქმნება სპეციალური მექანზმი,. რომლის მეშვეობითაც მიმოწერა 2 ადამიანს შორის დაშიფრული იქნება.

ამას გარდა, ცუკერბერგის განცხადებით, Facebook-ი აღარ განათავსებს მომხმარებელთა პირად მონაცემებს იმ ქვეყნების სერვერებზე, სადაც არ იცავენ ადამიანის უფლებებს და არის აზრის თავისუფალი გამოხატვის პრობლემა. ამასთან, კომპანიამ უხეში დარღვევების გამო შეიძლება ეს ქვეყნები საერთოდ დაბლოკოს.

მისი თქმით, 2019 წლის ბოლომდე კომპანია მიმოწერის დაშიფვრის end-to-end encryption ფუნქციას გააქტიურებს არამარტო Facebook Messenger-ში, არამედ WhatsApp-ზე და Instagramm-ზეც.

"სოცქსელები ეხმარება ადამიანებს ურთიერთობა დაამყარონ მეგრობრებთან და იმ საზოგადოებებთან, რომლებიც მათს ინტერესში შედის, ეს ქალაქის მთავარი მოედნის ციფრული ანალოგია. მაგრამ მათ სურთ ეს ურთიერთობა პრივატული დარჩეს, მისაღები ოთახის ციფრული ანალოგის მსგავსად," - წერს ცუკერბერგი.

იგი აღიარებს, რომ ბოლო პერიოდში სოცქსელები რეპუტაცია შეილახა ჰაკერების მიერ პირადი მონაცემებისა და მიმოწერების გატეხვის გამო.

"ჩვენ აღარ შევინახავთ მონაცემებს იმ ქვეყნებში, რომელთაც ადამიანის უფლებების დაცვის, პირად ცხოვრების ხელშეუხებლობისა და აზრის თავისუფლად გამოხატვის საკითხებშ პრობლემებიაქვთ. ამ პრინციპების დაცვა ჩვენი სერვისების ამგვარი ქვეყნებისთვის დაბლოკვის შესაძლებლობასაც არ გამორიცხავს," - აცხადებს ცუკერბერგი.