„ეკა კვესიტაძესა და დავით პაიჭაძეს უსამსახუროდ დარჩენა არ ემუქრებათ“, - აცხადებს გაზეთ „ვერსიასთან“ საუბრისას ჟურნალისტი ირმა ინაშვილი. 

„მიუხედავად იმისა, რომ მათი გადაცემები არ მომწონდა, მიმაჩნია, რომ ყველა ხელისუფლება ჟურნალისტებისთვის გადაცემის დახურვის საკითხს ფაქიზად უნდა მოეპყრას. მზად ვარ ორივე ჟურნალისტს „ობიექტივში“ ეთერი დავუთმო, რადგან კარგად ვიცი, თუ რა განცდაა, როცა ტელევიზიიდან გათავისუფლებენ“, - აცხადებს ინაშვილი.

ინაშვილი იმ მიზეზზეც საუბრობს, თუ რატომ გადაწყვიტა კვესიტაძისა და პაიჭაძის „ობიექტივში“ მიწვევა: „ვარდების რევოლუციის“ შემდეგ, როცა პირველი არხიდან გამოგვყარეს, არავის დაუფასებია ჩვენი პროფესიონალიზმი, წარსული და გამოცდილება.

ამიტომ, არ მსურს, მეც იგივენაირად მოვიქცე, შესაძლოა „საზოგადოებრივ მაუწყებელს“ თავისი გათვლები და პოლიტიკა აქვს, მაგრამ ამ ჟურნალისტებს „ობიექტივში“ იმიტომ ვიწვევ, რომ მათ არსებული სივრცე დაეხურათ“, - აღნიშნავს ინაშვილი.