საგარეჯოს რაიონის სოფელ კაკაბეთში, უშანგი კუზანაშვილის სახელობის ღია საჭიდაო მოედნის გახსნაზე საქართველოს პრემიერმინისტრმა განაცხადა, რომ „ამ სტადიონის გახსნით და ამის მსგავსი სტადიონების გახსნით საქართველო კიდევ უფრო სახელიანი გახდება თავისი მოჭიდავეებით“.

ბიძინა ივანიშვილმა მოახლოებულ არჩევნებზეც ისაუბრა და შეკრებილებს მოუწოდა, აუცილებლად მივიდნენ არჩევნებზე გიორგი მარგველაშვილის მხარდასაჭერად და არ ჩათვალონ, რომ ყველაფერი უკვე გაკეთებულია. პრემიერმინისტრმა „ქართული ოცნების“ კანდიდატი კიდევ ერთხელ დაახასიათა:~

„გიორგის აქვს ყველა ის თვისება, თქვენ რომ გიყვართ... გიორგის აქვს ის ჯიგარი, თქვენ რომ გიყვართ და რაც ჭიდაობასაც სჭირდება, რადგან ჯიგრის გარეშე ვერაფერს გააკეთებ“, – აღნიშნა ბიძინა ივანიშვილმა.

ვიდეო: