ინფორმაცია იმის შესახებ, რომ BMW-ს მარკის ავტომანქანების მძღოლებს, რომლებიც ერთიან კოლონაში მოძრაობენ, საპატრულო პოლიციის თანამშრომლები მასობრივად აჯარიმებენ ან აფრთხილებენ, სოციალურ ქსელ „ფეისბუქში“ ვრცელდება. ამასთან, კომენტარების მიხედვით, მანქანების მძღოლთა უმრავლესობა 23-25 წლამდე ახალგაზრდაა, მათი ნაწილი გამოუცდელი მძღოლია და საგზაო მოძრაობის წესებსაც ხშირად არღვევს, ასე რომ, ჯარიმები, უმეტესწილად, წესების დარღვევის შედეგია.

სამი ფოტო, რომელიც BMW-ს მარკის ავტომანქანების ერთიან კოლონაში მოძრაობას ასახავს, „ნიუპოსტს“ მკითხველებმა და სოცქსელ „ფეისბუქის“ მომხმარებლებმა მიაწოდეს. ფოტოები ჭავჭავაძის გამზირზეა გადაღებული. უნდა აღინიშნოს, რომ BMW-ს მარკის ავტომანქანების მძღოლები განსაკუთრებით სწორედ ვაკეში აქტიურობდნენ.

"ნიუპოსტის" შენიშვნა: რუბრიკაში "შენი რეპორტაჟი" მკითხველის მიერ გამოქვეყნებული ეს მასალა დაშვებულია გამოსაქვეყნებლად რედაქციის მიერ და ის წარმოადგენს ავტორის პირად მოსაზრებას. ამ და სხვა, რედაქციის მიერ დაშვებულ მასალებში მოყვანილი ფაქტების სიზუსტეზე პასუხისმგებელია ავტორი.