თბილისი-დუსელდორფის მიმართულებით Fly Georia-ს რეისი დღეს უკვე მეორედ გადაიდო. რეისის 130 მგზავრი დახმარებას ითხოვს.

ისინი საზღვრის ნეიტრალურ ზოლში იმყოფებიან და ჯერჯერობით უკან დაბრუნების საშუალება არ გააჩნიათ. როგორც ისინი აცხადებენ, კვების ხარჯები ერთჯერადად აუნაზღაურეს და მათი პირობები აუტანელია.

მგზავრების ნაწილმა ბილეთები უკვე გადაცვალა საკუთარი ხარჯებით, მეორე ნაწილი კი კომპანიის გადაწყვეტილებას ელოდება.

ავიაკომპანიაში მომხდართან დაკავშირებით ჯერჯერობით კომენტარს არ აკეთებენ, სწორედ ამიტომ, უცნობია შეასრულებს თუ არა ნაკისრ ვალდებულებას Fly Georgia.