პირველი ექიმზე მორგებული სამედიცინო პროგრამა რეგიონში

ჯანმრთელობა - 13:49, 21 Feb, 2019

2501

სამედიცინო დაწესებულების წარმატებით ფუნქციონირებაში დიდი მნიშვნელობა აქვს იმას, თუ როგორ იმართება კლინიკის პროცესები. კლინიკის მართვის საინფორმაციო სისტემები სამედიცინო პროცესების დალაგების და სწორი მართვის საშუალებას უნდა იძლეოდეს. დღეისათვის, ქართული კლინიკების დიდი ნაწილი იყენებს სხვადასხვა ტიპის პროგრამულ უზრუნველყოფას, რომელთა უმეტესობა ძირითად აქცენტს კლინიკის ფინანსური საკითხების მოგვარებაზე აკეთებს და ნაკლებად ითვალისწინებს ექიმის საჭიროებებს. შედეგად, ექიმს მეტი დრო ეხარჯება პროგრამაში მუშაობაზე, და ნაკლები დრო რჩება პაციენტისთვის. Doctra-ს სამედიცინო სისტემა ერთადერთია რეგიონში, რომელიც ორიენტირებულია ექიმზე და კლინიკებს სრულად მართვად სამედიცინო პროცესებს სთავაზობს.

პროგრამა უზრუნველყოფს პაციენტის ელექტრონულ სამედიცინო ისტორიასთან წვდომას - 360 გრადუსით, რაც გულისხმობს: პაციენტის მიერ წარსულში ჩატარებული თუ მიმდინარე კვლევების ყველა შედეგის, კონსულტაციის, ჩარევა–მანიპულაციისა და სხვა დეტალების ერთ სივრცეში თავმოყრას. ამასთან, ნებისმიერ დროსა და ადგილას ხელმისაწვდომს ხდის ფორმა 100-ს, კურსუსს, ელექტრონულ რეცეპტებს, თუ ფიზიკალურ მონაცემებს. Doctra ინტეგრირდება LIS, PACS და სხვა სამედიცინო სისტემებთან, საიდანაც პაციენტის ინფორმაცია ავტომატურად აისახება პროგრამაში.

Doctra-ს ყველაზე სრულყოფილი ელექტრონული დანიშნულების ფუნქციონალი აქვს, რაც მოიცავს, როგორც დანიშვნის ყველა სახეობას (ბოლუსი, ინფუზია, კოქტეილი და სხვა), ისე დანიშვნის ყველა ტიპს (საჭიროებისამებრ, კონკრეტულ დროზე ან პერიოდზე, პაციენტის მედიკამენტი, სასწრაფოს მედიკამენტი). ამასთან, აღსანიშნავია დანიშვნის მოქნილობა და სიმარტივე – ნაშთისა და ჯენერიკის გათვალისწინებით.

გამომდინარე იქიდან, რომ Doctra-სთან მუშაობისას ექიმს სრული ინფორმაციის სწრაფად მიღებისა და ერთ სივრცეში ნახვის საშუალება ეძლევა და ამასთან, ექთნებსა და ექიმებს შორის კომუნიკაცია დისტანციურადაც შესაძლებელია - სამუშაო პროცესი მეტად ეფექტური, სწრაფი და კომფორტული ხდება. გარდა ამისა, საუკეთესოა დანიშნულებაში ცვლილებების შეტანის კონტროლისათვის, მკურნალობის პროცესის ნებისმიერ ეტაპზე. პროგრამა მოსახერხებელია დისტანციურად სამუშაოდ, ყველგან სადაც შესაძლებელია კომპიუტერის, მობილურის ან/და პლანშეტის გამოყენება.