2015-2017 წლებში „ქართული ოცნების“ თავმჯდომარე ბიძინა ივანიშვილი „თიბისი ბანკში“ სამ მილიონზე მეტ აქციას ფლობდა.

მარკეტ სქრინერის მონაცემებით, ივანიშვილის თანაინვესტირების ფონდმა 2017 წლის 29 მარტს ორი მილიონი აქცია, თითქმის, 25 მილიონ ფუნტად გაყიდა, თუმცა მის საკუთრებაში 1 მილიონი აქცია დაიტოვა. იმ დროისთვის "თიბისი ბანკის" ერთი აქციის ფასი 12,40 ფუნტი იყო.

საპარლამენტო უმრავლესობის რიგებში ამტკიცებენ, რომ 4,1 პროცენტი აქციების ფლობა არ ნიშნავს, რომ ივანიშვილს „თიბისი ბანკის“ ინტერესი აქვს.

აქციების ფლობის შესახებ ინფორმაციას ბიძინა ივანიშვილის თანაინვესტირების ფონდში ადასტურებენ. თუმცა ფონდში ამბობენ, რომ ბოლო ტრანზაქციის შედეგად დარჩენილი ერთი მილიონ 136 ათასი აქციაც გაყიდეს და დღეს ივანიშვილს TBC ბანკთან კავშირი აღარ აქვს.

ოპოზიცია კი აღნიშნული ინფორმაციის გარკვევის შემდეგ უფრო მტკიცედ აკავშირებს ბიძინა ივანიშვილის ინტერესებს „თიბისი ბანკის“ საქმესთან.