ბორდის სხდომა, რომელიც ამ წუთებშიც გრძელდება, დროებით დატოვა და ჟურნალისტებთან კომენტარი გააკეთა ემზარ გოგუაძემ, რომელმაც განაცხადა, რომ თამაზ ტყემალაძისგან მიიღო სრული ინფორმაცია ახალ ბადეში განსათავსებელი გადაცემების სესახებ.

გოგუაძის თქმით, პოლიტიკური ხასიათის თოქშოუები არხზე არ ჩერდება, ისინი განახლდება, ხოლო წამყვანები შეიცვლებიან და ისინი, ტყემალაძის განცხადების მიხედვით, „პროფესიონალები და მიუკერძოებლები“ იქნებიან.

„მოლაპარაკებები მიმდინარეობს ეკა ბერიძესთან, რომელსაც პასუხი ჯერ არ მოუცია. ასევე ცნობილი გახდა, რომ საგამოძიებო ჟურნალისტიკის პროფილით სიუჟეტებს ნანა ლეჟავა მოამზადებს, რომელიც „საზოგადოებრივ მაუწყებელში“ საკუთარი გუნდით მივა.