„ფორმიანი ყაჩაღი არარსებულ დარღვევაზე ურცხვად ჯარიმას რომ დაგიწერს, გამორიცხულია, სიმართლე დაამტკიცო“

სოც.მედია - 12:39, 18 Feb, 2019

2018

„ფეისბუქმომხმარებელი“ თემო მურვანიძე საპატრულო პოლიციის ცალკეული თანამშრომლებისსიხისტეზე ამახვილებს ყურადღებას და სოციალურ ქსელშ წერს:
„რატომ სჩადიან უკანონობას პატრულის ზოგიერთი თანამშრომლები? - საინტერესო კითხვაა და ამის ხელშემწყობი, ალბათ, არის ის პრაქტიკა და ნორმები, რაც დღეს არსებობს.
ვგულისხმობ იმას, რომ თუ საპატრულო პოლიციის თანამშრომელი რომელიმე რეგიონში, მაგალითად, ფოთში მოგადგება და ურცხვად არარსებულ დარღვევაზე ჯარიმას დაგიწერს, პრაქტიკულად, გამორიცხულია, რომ სიმართლე დაამტკიცო.
რა თქმა უნდა, შეგიძლია, სასამართლოში იჩივლო, მაგრამ იქ იმის იმედზე უნდა იყო, რომ მოსამართლე თანაგრძნობას გაგიწევს და თუ დაგიჯერა, ჯარიმას გააუქმებს, მაგრამ წესი, რომ საპატრულოს თანამშრომელი მუდამ მართალია, მართალიც რომ არ იყოს - ეს არის ძალიან დიდი წახალისება "ფორმიანი ყაჩაღების" და არცხვენს საპატრულო პოლიციის იმ წესიერ თანამშრომლებს, რომლებიც უბრალოდ არ იკადრებენ მსგავსი რამის ჩადენას.

მივმართავ საქართველოს შინაგან საქმეთა სამინისტროს და პირადად მინისტრს, ბატონ გიორგი გახარიას:
იმის გამო, რომ სხვა ფორმა და გზა არ არის, იძულებული ვარ, სოციალური ქსელით მოგმართოთ, იქნებ მოაღწიოს თქვენამდე ერთმა ხმამ, რომ სამინისტრომ გადახედოს საკუთარ წესებს და პრაქტიკას და ერთობლივად მოვიფიქროთ საპატრულო პოლიციის ზოგიერთი უღირსი წარმომადგენლის მიერ მოქალაქეთა შევიწროების საწინააღმდეგო პრევენციული წესები ან მექანიზმები.“