ეროვნებით ჩეჩენი იუსუფ ლაკაევის რუსეთში შესაძლო ექსტრადირების თაობაზე რუსული მედიის მიერ დღეს გავრცელებულ ინფორმაციას საქართველოს მთავარი პროკურატურა არ ადასტურებს. 

პროკურატურაში აცხადებენ, რომ რუსეთის მხრიდან ლაკაევის ექსტრადირებაზე განსახილველად არანაირი მომართვა არ მოსულა, თუმცა, არ აკონკრეტებენ, როგორ მოიქცევიან იმ შემთვევაში, თუ ასეთი მომართვა მოვა.

შეგახსენებთ, რომ იუსუფ ლაკაევი, რომელიც ქართველმა სამართალდამცველებმა ბათუმში დააკავეს, სოხუმში რუსი დიპლომატისა და მისი მეუღლის მკვლელობაშია ეჭვმიტანილი.