ვანო მერაბიშვილი კონსტანტინე ბერიძის ოჯახს სამძიმარს უცხადებს

საზოგადოება - 14:56, 20 Sep, 2013

2287

ყოფილი პრემიერ მინისტრი ვანო მერაბიშვილი კონსტანტინე ბერიძის გარდაცვალებასთან დაკავშირებით მწუხარებას გამოთქვამს. "19 სექტემბერს 55 წლის ასაკში გარდაიცვალა ერთ-ერთი გამორჩეული პიროვნება საქართველოს უახლეს ისტორიაში, საქართველოს პარლამენტის ორი მოწვევის წევრი კონსტანტინე ბერიძე. კოტე ქვეყნის პოლიტიკურ ცხოვრებაში აქტიურად 80-იანი წლების ბოლოს ჩაერთო, როდესაც ჯერ ეროვნულ-განმათავისუფლებელი მოძრაობის წევრი იყო, ხოლო 1992 წელს გახდა პარლამენტის წევრი ოზურგეთის საარჩევნო ოლქიდან. 2003 წლიდან იგი „ერთიანი ნაციონალური მოძრაობის“ წევრი არის.
2003 წლის 24 ნოემბერს, „ვარდების რევოლუციის“ მეორე დღეს კოტე ბერიძეს სამწუხარო ინციდენტი შეემთხვა - ავტოკატასტროფის შედეგად იგი შეზღუდული შესაძლებლობის მქონე პირი გახდა. მიუხედევად ამ ტრაგედიისა, იგი სულიერად არ გატყდა და განაგრძო პოლიტიკური საქმიანობა, ხოლო 2004 წლის საპარლამენტო არჩევნების შედეგად პარლამენტის წევრიც გახდა. იგი უკანასკნელ დღეებამდე აქტიურად მონაწილეობდა პარტიის ცხოვრებაში და საკუთარი საქმიანობის თითოეულ წუთს ქვეყნის კეთილდღეობაზე ზრუნვას ახარჯავდა.
მინდა ჩემი ღრმა მწუხარება გამოვხატო კოტე ბერიძის გარდაცვალების გამო და თანაგრძნობა გამოვუცხადო მის ოჯახსა და მეგობრებს", - აცხადებს ვანო მერაბიშვილი.