თავიდანვე მინდა აღვნიშნო,რომ ეს საპასუხო წერილი ქვეყნდება არა მარტო ჩემი, არამედ ყველა ქართველი ემიგრანტისა და ყველა ნამდვილი ქართველის სახელით…

ბ-ნ ზვიად

რამდენადაც ცნობილია, თქვენი ორგანიზაცია აპირებს მიმართოს ევროკავშირს ოფიციალური წერილით, რუსეთის მიმართ ტერმინ ოკუპანტის ხმარებიდან ამოღების თხოვნით…ასევე თქვენი ორგანიზაცია მოუწოდებს საქართველოს ხელისუფლებას, დაუყოვნებლივ დაიწყოს რუსეთთან პოლიტიკური და მეგობრული ურთიერთობების აღდგენა.

ბ-ნო ზვიად, თქვენ ვინ მოგცათ უფლება, რომ სარგებლობთ მთელი ემიგრანტების სახელით და ისიც ესოდენ დამამცირებელი, სამარცხვინო და ამორალური განცხადების გაკეთების დროს ? რას ჰქვია რუსეთი ოკუპანტი არ არის? ვის აქვს აბა საქართველოს კუთვნილი ტერიტორიები ოკუპირებული? ვისთან ომს შეეწირა ამდენი ქართველის სიცოცხლე? რისთვის დაიღვარა ამდენი სისხლი?

ლამის ყოველდღიურად საზღვრებს გვიწევენ. გოჯ-გოჯ მიწას გვაკარგინებენ. სულში გვაფურთხებენ . ჩვენს ისტორიას, ადამიანობას და ღირსებას ფეხ-ქვეშ გვითელავენ !.. ოდითგანვე, სწორედ თქვენნაირი მოღალატე და გამყიდველი სულები ადგამდნენ საქართველოს მონობის უღელს! საკუთარ კეთილდღეობას წირავთ ქვეყანას!

თუ თქვენ გავიწყდებათ, მაშინ მე შეგახსენებთ, რომ თქვენ საქართველო არ ხართ! თქვენ ქართველი არ ხართ!…ქართველობა მარტო ქართული გვარის ტარებაში არ გამოიხატება…ქართველობა სულში დევს. სწორედ იმ სულში, რომელიც სისხლის თვითოეულ დაღვრილ წვეთზე თრთის…

ჩვენთვის ჩვენი სამშობლო არაფერზე არ იყიდება. თქვენ კი, არ მოგცემთ სამშობლოს გაყიდვის უფლებას ! ყველანაირად დავიცავთ ჩვენს ქვეყანას სისხლის მწოველებისაგან , გარეწრებისა და სულით მონებისაგან !..

ნია ჯამასპიშვილი

"ნიუპოსტის" შენიშვნა: რუბრიკაში "შენი რეპორტაჟი" მკითხველის მიერ გამოქვეყნებული ეს მასალა დაშვებულია გამოსაქვეყნებლად რედაქციის მიერ და ის წარმოადგენს ავტორის პირად მოსაზრებას. ამ და სხვა, რედაქციის მიერ დაშვებულ მასალებში მოყვანილი ფაქტების სიზუსტეზე პასუხისმგებელია ავტორი.