სასტუმრო "ქორთიარდ მარიოტში" "ხუდონჰესის" მშენებლეობის მომხრეები და მოწინააღმდეგეები ერთმანეთს დაუპირისპირდნენ. ხუდონჰესის მშენებელმა კომპანიამ "ტრანსელექტრიკა ჯორჯიამ" მოსახლეობის განსახლების გეგმის შესამუშავებლად ხელშეკრულება კანადურ კომპანიასთან უკვე გააფორმა.

პარალელურად კი, საჯარო განხილვები გრძელდება. გარემოზე ზემოქმედების შეფასების ანგარიშის წინასწარი ვარიანტი იმ ინფორმაციას შეიცავს, რაც საქართველოში სიდიდითა და სიმძლავრით ენგურჰესის შემდეგ ყველაზე დიდი ჰესის მშენებლობას უკავშირდება. საუბარია როგორც ეკონომიკურ, ისე ენერგეტიკულ და გარემოს დაცვით ასპექტებზე.

პირველი სახალხო განხილვა ორი დღის წინ სოფელ ხაიშში ჩაიშალა. ზემო სვანეთის მოსახლეობა ხუდონჰესის მშენებლობის წინააღმდეგია.

"ტრანს ელექტრიკა ჯორჯია" პროექტის განსახორციელებლად საქართველოში 200 მილიონი ამერიკული დოლარის ინვესტირებას გეგმავს.