"მათ მიმართ, ვინც ძირითადად ქმნიდა ამ საწარმოებს მოაწყონ საერთო სახალხო დასჯა, დადგან სახრჩობელები ჩამოგვახრჩონ:  ზედაზენი, ბარამბო, ბერტა, ლუქსორი, რომ ხვალ და ზეგ არავინ გაბედოს წარმატებული კომპანიის შექმნა, თუ ეს არის დღევანდელი ხელისუფლების მიზანი ჩვენ მაგისთვისსაც მზად ვართ",  - განაცხადა ცეზარ ჩოჩელმა ,,პირველი რადიოს“ რადიოკლუბში.

როგორც ჩოჩელი აცხადებს, არსებობს ინფორმაცია, რომ ხელისუფლება გეგმავს "ზედაზენის" დაყადაღებას. ჩოჩელის თქმითვე, მისი კომპანიების დაყადაღება მხოლოდ ბიუჯეტს, ქვეყანას და მოსახლეობას აზარალებს, მისვე განცხადებით, მან რამდენიმე დღის წინ 5 მილიონიან ინვესტიციას მოაწერა ხელი, ჩოჩელი იმედოვნებს, რომ ხელისუფლება ამასაც ფულის გათეთრებაში არ ჩაუთვლის.

ბიზნესმენის განცხადებით, ის დღეს უცხოეთში ბიზნეს პარტნიორთან შეხვედრაზე არ გაუშვეს. ჩოჩელი გერმანიაში აპირებდა გამგზავრებას, თუმცა ფინანსთა სამინისტროს საგამოძიებო სამსახურის უფროსის, ოთარ ფარცხალაძის მითითებით მას ქვეყნიდან გასვლის ნებართვა არ მისცეს. როგორც ჩოჩელი აცხადებს, აბსურდია იმაზე საუბარი, რომ მისი კომპანიები ფულს აკეთებენ. ჩოჩელის განცხადებით, მას და მის კომპანიას ფულის გათეთრება რომ უნდოდეს ინვესტიციებს, უკან საწარმოში კი არ ჩადებდა უცხოეთში კერძო საკუთრებაში დააბანდებდა.