ისრაელელი მეცნიერების თქმით, ერთ წელწადში კიბოს განკურნების პრეპარატი ექნებათ

ჯანმრთელობა - 18:37, 31 Jan, 2019

2490

ისრაელელი მეცნიერების ჯგუფმა განაცხადა, რომ კიბოს განკურნებისთვის სრულფასოვან წამალს მიაგნეს. ამის შესახებ ინფორმაციას ონლაინ-გამოცემა The Jerusalem Post-ი ავრცელებს.

წამლის შემუშავება ხდება კომპანია Accelerated Evolution Biotechnologies-ის მიერ, კომპანიის თავმჯდომარის დენ არიდორის ხელმძღვანელობით. ისინი ვარაუდობენ რომ ერთ წელიწადში კიბოს განკურნების პრეპარატი ექნებათ.

„ჩვენი პრეპარატი ქმედითი იქნება პირველი დღიდანვე და მინიმალური გვერდითი ეფექტებით. მისი ფასი კი ბაზარზე არსებულ სხვა პრეპარატებთან შედარებით საკმაოდ დაბალი იქნება."

გავრცელებული ინფორმაციით, წამლის დამზადებისა გამოიყენება სიმსივნის წინააღმდეგ ბრძოლის უახლესი ტექნოლოგია სახელწოდებით MuTaTo (მრავალსამიზნიანი ტოქსინი). წამალი ანტიბიოტიკის მსგავსად მოქმედებს და მიზანმიმართულად ანადგურებს კიბოს უჯრედებს.

"ტრადიციული მეთოდებისგან განსხვავებით, MuTaTo კიბოს უჯრედზე ერთდროულად რამდენიმე სხვადასხვა სამიზნეს უტევს და არ აძლევს საშუალებას სიმსივნის უჯრედებს, რომ მუტაცია განიცადოს. მძლავრი ტოქსინის მოქმედების შედეგად კი უჯრედი კვდება“- განაცხადა კომპანია Accelerated Evolution Biotechnologies-ის გენერალურმა დირექტომა ილან მორადმა.

მეცნიერების ნაწილი გავრცელებულ ინფორმაციას სკეპტიკურად უყურებს და მეთოდთან დაკავშირებით დამატებითი დეტალებს ითხოვს. მათი თქმით კონკრეტულად ამ წამლის განხილვისა და გადამოწმების შანსი სამეცნიერო საზოგადოებას არ ჰქონია და დიდი ალბათობაა, რომ აღნიშნული სიახლეც მხოლოდ და მხოლოდ დაპირებად დარჩეს