10 დღის წინ თბილისის საერთაშორისო აეროპორტში საეჭვო თვითმფრინავი დაეშვა. ლაინერი მხოლოდ ათი საათით იყო საქართველოში.

თვითმფრინავი ვლადიმერ პუტინთან დაახლოებულ რუს ოლიგარქს, ვლადიმერ ევტუშენკოვს ეკუთვნის, რომელიც მისი პირდაპირი დავალებით, ინვესტიციებს ანექსირებულ ყირიმში, უკრაინის ტერიტორიაზე ახორციელებს.

ვლადიმერ ევტუშენკოვი რუსეთში უმსხვილესი მობილური ოპერატორის, "ემტეესის" მფლობელი "სისტემა ჰოლდინგის" მთავარი მეწილეა. ამასთნ იგი აშშ-ს ევტუშენკოვი სპეციალურ სიაში ჰყავს შეყვანილი.

ასეთი ბიოგრაფიის მქონე ოლიგარქის თვითმფრინავის თბილიში ვიზიტი ბადებს კითხვას, ვინ იყო ამ თვითმფრინავის მგზავრი, იყო თუ არა თავად ოლიგარქი და რა მიზნით ჩამოფრინდა თბილისში ერთი დღით?

ერთი შესაძლო პასუხი კითხვაზე, რატომ ჩამოფრინდა ევტუშენკოვის თვითმფრინავი თბილისში, ბიზნესმენს რომან ფიფიას აქვს. მისი წარმომადგენელი ამტკიცებს, რომ ევტუშენკოვი რუსთავის აზოტით არის დაინტერესებული, რომლის მფლობელიც ადრე რომან ფიფია იყო. ფიფიას წარმომადგენლის მტკიცებით, მან რუსთავის აზოტი ევტუშენკოვის ხელშეწყობით დაკარგა.