დაპირისპირება მოხდა საზოგადოებრივი მაუწყებლის წინ აქციის მონაწილეებს შორის. ერთმანეთს ირაკლი კაკაბაძე და ჟურნალისტი ოლეგ პანფილოვი დაუპირისპირდნენ. 

პანფილოვის განცხადებით, მას ირაკლი კაკაბაძემ ფიზიკური შეურაცხყოფა მიაყენა. კაკაბაძემ ჟურნალისტს იმპერიალისტი უწოდა. დაძაბულობის განსამუხტავად ადგილზე საპარტრულო პოლიცია გამოიძახეს, ჟურნალისტის მოთხოვნით საპატრულო პოლიციამ ოქმი შეადგინა. 

პირმა, რომელიც ინცინდენტს შეესწრო, საპატრულო პოლიციას დაპირისპირების ამსახველი ვიდეო-მასალა მიაწოდა. 

საზოგადოებრივი მაუწყებლის წინ ორი აქცია მიმდინარეობს, აქციის მონაწილეებიდან ნაწილი ჟურნალისტებს ეკა კვესიტაძესა და დავით პაიჭაძეს უცხადებს სოლიდარობას, მეორე ნაწილი კი მათი ტელევიზიაში დაბრუნების წინააღმდეგია.

შენიშვნა: "პირველი რადიოს" ფოტო.