„ვოგიმ“ ლეგენდარული დიზაინერის, 85 წლის კარლ ლაგერფელდის „შანელის“ არქივების გამოქვეყნება დაიწყო და ყველა ალაპარაკდა იმაზე, რომ ის „შანელს“ ტოვებს. უფრო მეტიც, წერენ რომ, მსოფლიოს ყველაზე მნიშვნელოვანი დიზაინერი მოდის სამყაროს ემშვიდობება და მის 63-წლიან ეპოქას ასრულებს. ეს ყველაფერი კი იმით არის განპირობებული, რომ 85 წლის კარლ ლაგერფელდის ჯანმრთელობის მდგომარეობა არც ისე სახარბიელოა.

როგორც გაირკვა, მსოფლიოს ყველაზე მნიშვნელოვანი დიზაინერი თავს ცუდად გრძნობს და ეს მაშინ დადასტურდა, როცა პარიზში, „შანელის“ 2019 წლის გაზაფხული/ზაფხულის კოლექციის ჩვენება გაიმართა. 1982 წლის შემდეგ პირველად, „შანელის“ ჩვენებამ კარლ ლაგერფელდის გარეშე ჩაიარა. მას ჩვენება არ დაუხურავს.

"შანელის" გარდა ის არის Fendi-ს შემოქმედებითი ხელმძღვანელიც და აქვს საკუთარი ბრენდი Karl Lagerfeld.

კარლ ლაგერფელდის მიერ მოდის სამყაროს დატოვების შესახებ ცნობები , ორი წლის წინაც გავრცელდა, თუმცა, მაშინ ეს არ დადასტურდა.

ლაგერფელდის წარმომადგენელი განცხადებას არ აკეთებს.