"საზოგადოებრივი მაუწყებლის“ ჟურნალისტი დავით პაიჭაძე „ფეისბუქის“ პროფილის დეაქტივაციას გეგმავს და ამის შესახებ სოციალური ქსელის მეგობრებს აფრთხილებს.

„მეგობრებო, ერთ საათში მოვახდენ ჩემი აქაური ანგარიშ-პროფაილის დეაქტივაციას“, - დაწერა სტატუსად პაიჭაძემ დაახლოებით 10:00 საათზე და იქვე მისი სხვა საკონტაქტო მონაცემები მიუთითა.

შეგახსენებთ, რომ დღეს დავით პაიჭაძე „საზოგადოებრივ მაუწყებელში“ თავის კოლეგასთან, ეკა კვესიტაძესთან ერთად ბრიფინგის გამართვას გეგმავს. სავარაუდოდ, ბრიფინგის თემა ჟურნალისტების გადაცემების „აქცენტები“ და „დიალოგი დავით პაიჭაძესთან ერთად“ შესაძლო დახურვა იქნება. 

იმის მიუხედავად, რომ ჟურნალისტების სამსახურიდან გათავისუფლების შესახებ ოფიციალური ბრძანება არ არსებობს, ჟურნალისტები გუშინ სამსახურის შენობაში არ შეუშვეს.