საკასო ქვითრები ადამიანის ჯანმრთელობისთვის საშიშ ნივთიერებებს შეიცავს

საკასო ქვითრები ადამიანის ჯანმრთელობისთვის საშიშ ნივთიერებებს შეიცავს - ესპანელი მეცნიერები

ჯანმრთელობა - 20:04, 17 Jan, 2019

2818

ჟურნალ Genetic Engineering & Biotechnology News-ში გამოქვეყნებული სტატიის თანახმად საკასო ქვითრები ადამიანის ჯანმრთელობისთვის საშიშ ნივთიერებებს შეიცავს.

ესპანელი მეცნიერების კვლევის თანახმად, მათი გამოკვლევით, თერმოქაღალდი, რომელიც ქვითრების ბეჭდვისთვის გამოიყენება, შეიცავს ქიმიურ ნივთიერება ბისფენოლ A-ს, რომელიც ადამიანის ენდოკრინოლოგიური სისტემის დარღვევას უწყობს ხელს.

მკვლევარებმა შეიისწავლეს ესპანეთის, ბრაზილიისა და საფრანგეთის მარაზიებსა და რესტორნებში გაცემული ქვითრები. პირველ ორ ქვეყანაში ბისფენოლ A ქვითრების 90%-ში, ხოლო საფრანგეთში - 50%-ში აღმოჩნდა. ამასთან, მისი დონე ევროკომისიის მიერ დადგენილ ნორმას 50-100-ჯერ აღემატებოდა.

მართალია ზოგიერთ ქვითარში აღმოჩნდა ბისფენოლ S-ი, რომელიც ბისფენოლ A-ს "უსაფრთხო შემცვლელად ითვლება, მაგრამ ამ ნივთიერებასაც ზიანი მოაქვს, რადგან მას ჰორმონალური დარღვევების გამოწვევა შეუძლია.

"როდესაც პროდუქტებს შეიძენთ ან სახლში მიიტანთ, ეცადეთ, რომ მათ ქვითრები არ შეახოთ. ამასთან ნუ ეცდებით ისინი დიდი ხნის მანძილზე შეინახოთ საფულეში, მანქანაში ან ჩანთაში," - აცხადებს კვლევის ხელმძღვანელი გრანადის უნივერსიტეტის პროფესორი ნიკოლას ოლეა.

ექიმების დასკვნით, ბისფენოლ A იწვევს ონკოლოგიური დაავადებების რისკს, უშვილობას, აუტიზმს, მეორე ტიპის დიაბეტს და მთელ რიგ სხვა დაავადებებს.